ياسر التويجري قصيدته المشهوره بشاعر المليون ..!!

بسم الله الرحمن الرحيم

..في سماء أبو ظبي و في ليلة الشعر , و في وجود فحول الشعر في شواطئ الخليج , برز الآسر و شاعر بريدة ياسر
التويجري في سماء ( شاعر المليون ) و لم يكون تواجد ياسر من أجل أن يقول أنا هنا .. بل ليؤكد علو و رفعـة
الشعر الشعبي في المملكة العربية السعودية عامة و في بريدة خاصة , فقد صفق الجميع للأسير و أشتعل الكل في
المسرح من أجل ياسر فمع كل بيت يقف يلتقط أنفاسه لجودة الطريقة و روعة الأبيات .. و مع كل بيت يقاطعه الجمهور
بالتصفيق

القصيدة


ولدت ساطي ومتغطرس وأحب الخصام
ولا أعترف في إدارة طبـع والا مديـر
أوجدت نفسي مـن اللاشـي والانعـدام
نبذت فالمجتمع لانـي صريـح وفقيـر
ماكان تفكيري الا كيف أخطـف السنـام
والحمد لله خطفت اليـوم كـل البعيـر
إن لم يكن مركزي بالصف الاول أمـام
ماعاد تفرق معي لو كنت قبـل الاخيـر
الله أكـبـر ولله البـقـاء والـــداوم
وهو الاله الاحدوهو السميـع البصيـر
أخذت من مدرسة أحمد عليـه السـلام
الاخذيته مـن مخـاوى وزيـر واميـر
وأخذت من تجربـة عبدالعزيـز الامـام
وش يصنع العلم لاخاواه سيـف شطيـر
واخذت من فلسفة هتلرعـدم اللالتـزام
كسبت نفسي وريحت القلـق والضميـر
وابشرك حالتـي دايـم علـى مايـرام
من ركعتين الفجر اليـن بعـد الاخيـر
صحيح عندي تحفظ على بعـض الانـام
مثل معمر وابـو مـازن وتونـي بليـر
لكـن انـا مااحـب اقلـل الاحـتـرام
واذهب ضحية طموح الغرب وانا صغير
قومية المسلميـن اللـي عليهـا الكـلام
راحت معا خالد وعمرو وعلي والزبيـر
الله ولا ذل والتخـويـن والانـهــزام
ياعابدين العروش الوضع جـدا خطيـر
يابو خلف كيف حالك عل حالـك تمـام
انسى القصيدة وهات علوم اخوي الكبير
شيخ عرفته وتقريبا لـي اربـع اعـوام
يومنـي اجيـه لا جايـر ولا مستجيـر
يشوقني له نشوق الوسم عقـب الحيـام
في صفرة جوهـا ماهـو بفيـة هديـر
الشيخ ابو خالـد محمـد عـداه المـلام
اللي يصيـر مـن الاصرارمالايصيـر
حـد الثمالـه اعـزه لاعلـي الحـرام
انـي احبـه وحـبٍ لودرابـه يطـيـر
يطير مثل الوحش لاضف ريشه وحـام
وحول على الذايره بالجو مثـل المغيـر
ان الملوك اذا اعطـوك حـب وغـرام
خلوك من سائر الخـدام يعنـي خفيـر
الا انـت ياراعـي التقديـر والاهتمـام
ياللي رحمت الصغير وشلت هم الكسير
اذا البـلاط الاميـر والكنـب والرخـام
له شاعر يدهله في صبـح والا عصيـر
فانادهـلـت الثرياوالقـمـر والغـمـام
وحولت اداهم طرف مشلحك مالي خشير
كفـرت بالناقصـه والغـدر والانتقـام
وامنت باانك حزامـي بالنهـار العسيـر
من لايقدر ثباتـك مـع عكـاك الزحـام
ماهوبوالله مقدر ويـش معانـي جريـر
يارا س عيطا يمسك البدء قبـل الختـام
يالنادر اللي على صيد المكـارم شهيـر
يالمهدي المنتظـر بالحاجتيـن الجسـام
المدة المسكتـه والاخـذ بيـد الضريـر
ياسيدي ودي افهق لك ضلـوع العظـام
واعطيك شي بصدري وانت رجل خبير
اناترانـي اعانـي نـوب مـن انفصـام
يوثرعلى البرمجة في راسي المستديـر
واصير احس اني البارود والا الحسـام
في ساحة الشعر من تبوك لاقصى عسير
ممايسبـب لبعـض اعدائـي الاحتـدام
اللي يحسبون قرض الشعر مثل الشعيـر
والشعر وان كانه المقصودبـاول مقـام
فالله يرحم ابو الطيـب ويرحـم زهيـر
روح التنافس وحب الشيـخ والانضمـام
ماهي بتعني لدى الكثرة نهايـة مصيـر
والشاعر اللي معه عزوة خوال وعمـام
تفداه وايـل وترقـب مستعـدة مطيـر
والله فـلا ينقهـروالا يضيـق ويضـام
لاجاء اللززوالملاقى والقبـس والنذيـر
وجمع الدراهم ماهي باكبر طموح الغلام
اللي جمع من قلوب الناس شـي كثيـر
من حبني رغـم تفويتـي لـه الانخـدام
واللي كرهني فهذا شخص ملعون صير
دام المعـارك صغيـره ماعلينـا لـزام
ينوب عن سيفـي البتـار اصغرجفيـر
قـرات فيماقراتـه مـن بلـوغ المـرام
اللي ترك شـي لله عاضـه الله بخيـر

تحياتي لكـم...!!

قصيده جميله جدا

مشكور على النقله الحلوو سكيب