غزل

هلا هلا ياأم العيون المظله
اللي بعيني مالهنه حلايا
فيها تقول طراد خيل وسله
أما هل الردات ولا الطنايا
لاحذفوا عن الامهار الاجله
وردوا لبيض كنهن الحنايا
ورداتهم تشفي القلوب المغله
من غير حقران لباقي النحايا
يابنت من ينطح وجيه المغله
زيزوم عيرات ومقدم سرايا
مع دربها العيرات مثل الاهله
دايم سماريهن تفالح حفايا
العذر منك إني فلا قلت زله
لا صاب خط مكثرين الحكايا
مافيك ما ينقال في كل نله
عذروب اهلك يعدلون السرايا
الزين والوصايف مدله
مالك بغضات الصبايا نهايا
شمس على روس النوازي مطله
شعاعها يرسل سهوم المنايا
لا بانت الغره عليها اسم الله
باطرافها تقل يتكاشف مرايا
ما شفتها الا ساعة مستقله
يوم العياد ويوم ذبح الضحايا
بالماقع اللي شافها النجع كله
تلعب نهار العيد بين الصبايا
بحجاجها سيف من الهند سله
تشرق وترهق موسعين الهوايا
فإن كان هذا سب انا راعي له
ياسيد كل مفلجات الثنايا
انا ما سب الناس طبعي جبله
لو كان اشوف الناس تمشي عرايا
إلا ليا جاء شاعر فيه خله
مضيع دربه وعنده نوايا
اعطيه دربه لين علمه يدله
واسنعه باللي يسوق المطايا

الشاعر / محمد الخس

صح لسانك ولسان الشاعر

يسلموا على الشعر الجميل

مشكور أخوي وليد

على المرور

نورت الصفحه

صح لسانك

صح بدنك

مشكوره ميرال

على المرور الرائع

نورتي

صح لساانك
سبحان الله كانك تقصدني ياسكيب بهذا الغزل

مشكوور على القصييده الرووعه

وأنا أقصدك بهذا الغزل

على الله تحسين

مشكوره فوفتي

على المرور

الرائع والجميل

نورتي الصفحه

ايش الكلام الفلة دا وربي جنان يا سكيب
يسسسسسسسسسسسسسسسسسسسسسسسسسسسسسسسسسلمو